TINGNAN: Matagumpay na naidaos ang gift giving program ng TIELCO at TEMC sa sitio Aurora, Bgy. Pato-o, Odiongan, Romblon nitong araw lang ng huwebes October 20, 2022. Ang nasabing gawain ay pinangunahan ni TIELCO General Manager Dennis L. Alag at TEMC General Manager Vivian O. Gaac, kasama si ESD Manager Engr. Amante S. Jandoc Jr. at mga iba pang mga empleyado. Ang gawaing ito ay

bilang partisipasyon ng TIELCO at TEMC sa pagdiriwang ng “National Cooperative Month” ngayong buwan ng Oktubre. Ang ginawang paghahanda naman sa nasabing aktibidad ay namahagi tayo ng mga school supplies, tsinelas at nagpakain sa mga batang estudyante ng Aurora Elementary school at mahigit 61 na mag-aaral ang nabigyan nito. Namahagi din po tayo ng mga lumang damit, sapatos, bag at iba pa, para sa mga magulang. Laking pasasalamat naman ng kanilang head teacher na si Mrs. Liza Dalisay na sila ang napiling eskwelahan para sa pamamahagi ng nasabing gawain. Sa ginanap na short program sa loob ng paaralan ay humingi ng kaunting pabor ang ating mga guro sa pamunuan ng TIELCO na kung puwedeng dagdagan at palitan ang mga lumang ilaw sa loob at labas ng paaralan, at itoy sinang-ayunan din naman kaagad ng ating butihing GM Alag. Masaya at hindi makakalimutang karanasan naman ang iniwan ng nasabing gawain para sa mga empleyado ng TIELCO na kahit malakas ang ulan at may pagbaha ay hindi ito naging hadlang sa kanila para matapos ng matagumpay ang nasabing programa. Maraming salamat po sa lahat na nakiisa.